يــا خـالــــق الحـيـــاه
مـــن طيـنـــــة العــدم
وخـــالــــق الحــنــــان
أقــــوى مــــن الألـــــم
إخفـض جناحي رحمه
يا ألـف رحمـه يــا امّـه
يـا أنـعــــــم النـعــــــم
بامسح دمعي في كمي
مش عارف ليه يا أمـي
أنــا حاســس بـالـنــدم
يشـهـــد عـلـيّـــا ربـــي
مـا قلتــش غيـر نَـعــم
مـا قلتـش إلا حـاضـــر
وفْي بُعدي كنت حاضر
أبــوس عـلــى الـقـــدم
أطلـب نظـرةْ سـمــــاح
وادخـل تحـت الجنـاح
بقلبـي اللــي اتقـســــم
مش عارف ليه يا أمي
أنــا حاسـس بـالنــــدم
يـا ريتني شـلت أكتـــر
يـا ريتني سمعت أكتـر
يـا ريتني سهرت أكتـر
يـا ريتنــي لــــم أنَــــمْ
مش عارف ليه يا أمي
أنــا حاسـس بـالنــــدم
كنتـي تقـولي: يــا رب
يكبــر واشــوفــــه أب
أضحك.. جهل وغَشَـم
دلوقتي باقول: يـارب
إجعـل لـي ألـف قلــب
أشـيل وحـدي الألــــم
وبـابـص كتيـر لبنتــي
لكـن بـاشـوفِـك انتــي
وعيـنيّــــا تتـلَـخَــــــم
وفْي حضنهـا الصغـير
بالاقيني بقيت صغـير
ومـلامحي بتتـرَسَـــم
يــا خـالـــق الحـيــــاه
مــن طيـنــــة العـــدم
وخــالـــق الحــنـــــان
أقـــوى مـــن الألــــــم
إخفض جناحي رحمه
يا ألـف رحمـه يــا امه
يـا أنـعــــم النـعـــــــم
.
عمر الصاوي
